എന്നോടെന്തിനീ പിണക്കം...
എന്നുമെന്തിനാണെന്നോടു പരിഭവം... (എന്നോട്...)
ഒരുപാടു നാളായ് കാത്തിരുന്നു
നീ ഒരു നോക്കു കാണാന് വന്നില്ല...
ചന്ദനത്തെന്നലും പൂനിലാവും
എന്റെ കരളിന്റെ നൊമ്പരം ചൊല്ലിയില്ലേ...? (എന്നോട്...)
മൈക്കണ്ണെഴുതിയൊരുങ്ങി...
എന്നും വാല്ക്കണ്ണാടി നോക്കി...
കസ്തൂരിമഞ്ഞള്ക്കുറി വരച്ചു...
കണ്ണില് കാര്ത്തിക ദീപം കൊളുത്തി...
പൊന്കിനാവിന് ഊഞ്ഞാലില്
എന്തേ നീമാത്രമാടാന് വന്നില്ല... (എന്നോട്...)
കാല്പ്പെരുമാറ്റംകേട്ടാല് ഞാന്
പടിപ്പുരയോളം ചെല്ലും...
കാല്ത്തള കിലുങ്ങാതെ നടക്കും
ആ വിളിയൊന്നു കേള്ക്കാന് കൊതിക്കും...
കടവത്ത് തോണി കണ്ടില്ല...
എന്തേ എന്നെ നീ തേടി വന്നില്ല... (എന്നോട്...)